Blog

DYFI കൊട്ടാരക്കര ബ്ലോക്ക് കമ്മിറ്റിയുടെ നേതൃത്വത്തിൽ നടന്ന പ്രതിഷേധ ട്രെയിൻ യാത്ര . പരിപാടി DYFI കൊല്ലം ജില്ലാ വൈസ് പ്രസിഡന്റ്‌ സ:എ അഭിലാഷ് ഉത്ഘാടനം ചെയ്തു

സ്ലീപ്പർ കോച്ചുകൾ വെട്ടി കുറച്ച് എസി കോച്ചുകളാക്കി മാറ്റുന്നതിനെതിരെയും റെയിൽവേയുടെ അവഗണനക്കെതിരെയും, കിഴക്കൻ മേഖലയിലെ ട്രെയിൻ യാത്ര ദുരിതം പരിഹരിക്കണമെന്നും ആവശ്യപ്പെട്ടുകൊണ്ട് ഡിവൈഎഫ്ഐ പുനലൂർ, അഞ്ചൽ, കടക്കൽ ബ്ലോക്ക്‌ കമ്മിറ്റികളുടെ നേതൃത്വത്തിൽ പ്രതിഷേധ ട്മാർച്ചും രെയിന്‍ യാത്രയും സംഘടിപ്പിച്ചു. പോസ്റ്റോഫീസ് ജംഗ്‌ഷനിൽ നിന്നും ആരംഭിച്ച മാർച്ച് റെയിൽവേസ്റേഷന് മുന്നിൽ അവസാനിച്ചു. തുടർന്ന് നടന്ന പ്രതിഷേധ യോഗം ഡിവൈഎഫ്ഐ സംസ്ഥാന കമ്മിറ്റി അംഗം ബി ബൈജു ഉദ്ഘാടനം ചെയ്തു. പുനലൂർ ബ്ലോക്ക് പ്രസിഡന്റ് ശ്യാഗിൻ കുമാർ അധ്യക്ഷത വഹിച്ചു. ഡിവൈഎഫ്ഐ അഞ്ചൽ ബ്ലോക്ക് സെക്രട്ടറി ഹരിരാജ്‌ സ്വാഗതം പറഞ്ഞു. ബ്ലോക്ക് വൈസ് പ്രസിഡന്റ് ബിൻസ്‌മോൻ, എക്സിക്യൂട്ടീവ് അംഗം താഹ ലത്തീഫ്, രതീഷ് വട്ടവിള, അരുൺ രമേശൻ, ആരോമൽ തെന്മല, രാഹുൽ, ബിനീഷ്, ബിബിൻ, നിസാം, അച്ചു, അജിത് തുടങ്ങിയവർ നേതൃത്വം നൽകി. പ്രവർത്തകർ ട്രെയിൻ യാത്രക്കാർക്ക് ലഖുലേഖ വിതരണം ചെയ്യുകയും പ്രതിഷേധ ട്രെയിൻ യാത്ര നടത്തുകയും ചെയ്തു.

ന്യൂഡല്‍ഹി: പാര്‍ലമെന്റില്‍ അവതരിപ്പിച്ച വനിതാ സംവരണ ബില്ലിന്മേലുള്ള ചര്‍ച്ചയില്‍ കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സണ്‍ സോണിയാ ഗാന്ധി സംസാരിക്കും. സോണിയ ഗാന്ധിയായിരിക്കും ചർച്ചയിൽ പാർട്ടിയുടെ മുഖ്യ പ്രഭാഷക. കേന്ദ്രനിയമമന്ത്രി അര്‍ജുന്‍ റാം മേഘ്‌വാളാണ് പാര്‍ലമെന്റില്‍ ബില്‍ അവതരിപ്പിച്ചത്. വനിതാസംവരണ ബില്‍ തങ്ങളുടേതാണെന്ന് സോണിയാ ഗാന്ധി ചൊവ്വാഴ്ച പറഞ്ഞിരുന്നു. പാര്‍ലമെന്റിലേക്ക് എത്തുന്നതിനിടെ മാധ്യമപ്രവര്‍ത്തകരുടെ ചോദ്യത്തിനായിരുന്നു മറുപടി. 

വനിതാ സംവരണ ബില്‍ തിരഞ്ഞെടുപ്പ് മുന്നില്‍ കണ്ടുള്ള കേന്ദ്രത്തിന്റെ ഇവന്റ് മാനേജ്‌മെന്റ് എന്നാണ് കോണ്‍ഗ്രസ് നേതാവ് ജയറാം രമേശ് വിമര്‍ശിച്ചത്. വനിതാ സംവരണ ബില്‍ ലോക്സഭയില്‍ അവതരിപ്പിച്ചത് പ്രധാനതലക്കെട്ടായെങ്കിലും നിയമം എന്ന് പ്രാബല്യത്തില്‍ വരും എന്നത് സംബന്ധിച്ച് കൃത്യതയില്ലെന്ന് ചൂണ്ടികാട്ടിയാണ് ജയറാം രമേശ് രംഗത്തെത്തിയത്. എക്സിലൂടെയായിരുന്നു പ്രതികരണം.

നാരീശക്തീ വന്ദന്‍ എന്ന പേരില്‍ അവതരിപ്പിച്ച ബില്‍ സ്ത്രീകള്‍ക്ക് 33 ശതമാനം സംവരണം ലക്ഷ്യം വെച്ചുള്ളതാണ്. വനിതാ സംവരണത്തിനകത്ത് പട്ടികവിഭാഗങ്ങള്‍ക്ക് ഉപസംവരണം ഉണ്ടാകും. ഒബിസി വിഭാഗത്തിന്റെ സംവരണത്തെക്കുറിച്ച് ബില്ലില്‍ പരാമര്‍ശമില്ല. രാജ്യസഭയിലും നിയമ കൗണ്‍സിലിലും സംവരണ നിര്‍ദേശമില്ല.

പുതിയ പാര്‍ലമെന്റ് മന്ദിരത്തില്‍ നമ്മള്‍ എന്ത് ചെയ്യുന്നോ അത് രാജ്യത്തെ ഓരോ പൗരന്മാര്‍ക്കും പ്രചോദനമാകണമെന്ന് പ്രധാനമന്ത്രി നരേന്ദ്രമോദി പറഞ്ഞിരുന്നു. സ്ത്രീകള്‍ നയിക്കുന്ന വികസനത്തിന് വേണ്ടിയുള്ള പ്രവര്‍ത്തനങ്ങള്‍ അനിവാര്യമാണ്. പാര്‍ലമെന്റിലെ മൂന്നില്‍ ഒന്ന് സീറ്റ് സ്ത്രീകള്‍ക്കായി മാറ്റിവയ്ക്കാന്‍ കാബിനറ്റ് അനുമതി നല്‍കിയെന്നും പുതിയ പാര്‍ലമെന്റ് മന്ദിരത്തിലെ ആദ്യ പ്രസംഗത്തില്‍ പ്രധാനമന്ത്രി പറഞ്ഞു.

തിരുവനന്തപുരം: സിഎംആര്‍എല്‍ വിവാദത്തില്‍ പ്രതികരണവുമായി മുഖ്യമന്ത്രി പിണറായി വിജയന്‍. മകള്‍ വീണാ വിജയനിലൂടെ തന്നിലേക്ക് എത്താനാണ് ആദായ നികുതി വകുപ്പ് ശ്രമിച്ചതെന്ന് മുഖ്യമന്ത്രി പറഞ്ഞു.

‘ഏജന്‍സിയുടെ വാക്കുകളെ വിശ്വസിച്ചാണല്ലോ നിങ്ങള്‍ ഇതൊക്കെ പറയുന്നത്. ഏജന്‍സി എന്തിനാണ് ഇത്തരമൊരു കാര്യത്തില്‍ എന്റെ സ്ഥാനം എടുത്ത് ഉപയോഗിക്കുന്നത്. പ്രൊഫഷണല്‍ ആയ ഒരു ഏജന്‍സി ആണെങ്കില്‍ വിഷയവുമായി ബന്ധപ്പെട്ടാണ് സംസാരിക്കേണ്ടത്. ഇത് ഇന്നയാളുടെ ബന്ധുവാണ് എന്ന് എന്തിനാണ് പറയേണ്ടത്. കൃത്യമായ ഉദ്ദേശം അവര്‍ക്കുണ്ട്. ആ ആളെ പറയലല്ല, അതിലൂടെ എന്നിലേക്ക് എത്തലാണ് ഉദ്ദേശം.’ മുഖ്യമന്ത്രി വിശദീകരിച്ചു.

മാസപ്പടിയുമായി ബന്ധപ്പെട്ട റിപ്പോര്‍ട്ടില്‍ തന്റെ ചുരുക്കപ്പേര് ഉണ്ടാകാനേ സാധ്യതയില്ലെന്നും പിണറായി വിജയന്‍ പറഞ്ഞു. ‘എത്ര പി വിമാരുണ്ട് ഈ നാട്ടില്‍. ബിജെപി സര്‍ക്കാരിന്റെ ഉദ്യോഗസ്ഥര്‍ ഊഹിച്ചതിന് ഞാന്‍ എന്ത് പറയാനാണ്. മാസപ്പടി വിവാദത്തിലെ രാഷ്ട്രീയം മനസ്സിലാക്കണം. അത് മനസ്സിലാക്കാന്‍ കഴിയാത്തവരല്ല മാധ്യമ പ്രവര്‍ത്തകര്‍ എന്ന് താന്‍ വിചാരിക്കുന്നില്ല. എന്നാല്‍ മനസ്സിലാക്കിയ കാര്യങ്ങള്‍ നിങ്ങള്‍ മറച്ചുവെക്കുകയാണ്. മാധ്യമ പ്രവര്‍ത്തകര്‍ സിഎംആര്‍എല്ലിന്റെ വാദം ഏറ്റുപിടിക്കുകയാണ്. ഒന്നും മറച്ചുവെച്ച കണക്ക് അല്ല. അവരുടെ വാദം സാധൂകരിക്കലാണ് നിങ്ങള്‍ ചെയ്യുന്നത്. എങ്ങനെയൊക്കെ പിണറായി വിജയനെ അങ്ങ് ഇടിച്ച് താഴ്ത്താന്‍ പറ്റുവോ, അതിനുള്ള ശ്രമത്തിലാണല്ലോ നിങ്ങള്‍. എങ്കില്‍ അങ്ങനെ നോക്ക്. അതിന് കുടുംബാംഗങ്ങളെ കൂടി ഉപയോഗിക്കുകയാണ്. അതിന്റെ ഭാഗമായി തകര്‍ന്നുപോകുന്നയാളല്ല താന്‍ എന്നും മുഖ്യമന്ത്രി കൂട്ടിച്ചേര്‍ത്തു.

കോണ്‍ഗ്രസ് ആവശ്യപ്പെട്ടാല്‍ സോളാര്‍ വിഷയത്തിലെ ഗൂഢാലോചന സംബന്ധിച്ച് അന്വേഷിക്കുമെന്നും മുഖ്യമന്ത്രി പറഞ്ഞു. ‘എന്തുകൊണ്ടാണ് കോണ്‍ഗ്രസ് പറഞ്ഞതില്‍ നിന്ന് പുറകോട്ട് പോകുന്നത്? ആരെയാണ് ചര്‍ച്ചകള്‍ ബാധിക്കുക? മുഖ്യമന്ത്രി പിണറായി വിജയനെയാണോ മരിച്ച ഉമ്മന്‍ചാണ്ടിയെയാണോ? ഗൂഢാലോചനയില്‍ ഒരുപാട് വിവരങ്ങള്‍ പുറത്തുവരാനുണ്ട്. അതില്‍ ചില സ്ഥാനങ്ങള്‍ക്ക് വേണ്ടിയും ഗൂഢാലോചനയുണ്ടായെന്ന് ബന്ധപ്പെട്ടവര്‍ പറഞ്ഞിരുന്നുവെന്നു. സോളാര്‍ ഗൂഢാലോചന ഞങ്ങളുടെ പെടലിക്ക് ഇടേണ്ട. എല്‍ഡിഎഫ് പ്രതിപക്ഷത്തായിരുന്നപ്പോള്‍ ആ നിലയ്ക്ക് വിഷയം ഉയര്‍ത്തുകയാണ് ചെയ്തത്. അതാണുണ്ടായത്’, മുഖ്യമന്ത്രി പ്രതികരിച്ചു. ദല്ലാള്‍ നന്ദകുമാറിന് തന്നെ കാണേണ്ട ആവശ്യം എന്താണ്. ഇറക്കി വിട്ട ആള്‍ക്ക് പിന്നീട് കാണാന്‍ ധൈര്യം വരുമോയെന്നും മന്ത്രി ചോദിച്ചു.

പാലക്കാട്: കേരളത്തിന് അനുവദിച്ച രണ്ടാം വന്ദേഭാരത് ട്രെയിന്‍ ഉടന്‍ കേരളത്തിലേക്ക് എത്തും. പാലക്കാട് ഡിവിഷന് ഇത് സംബന്ധിച്ച നോട്ടിഫിക്കേഷന്‍ ഉടന്‍ കൈമാറും. കാസര്‍കോട് നിന്നും തിരുവനന്തപുരത്തേക്കാണ് സര്‍വ്വീസ്. സമയക്രമം സംബന്ധിച്ച അന്തിമവിവരം വിദഗ്ധ സമിതി വൈകാതെ കൈമാറും.

ഞായറാഴ്ച്ച ഉദ്ഘാടന യാത്ര ഉണ്ടാവുമെന്നാണ് സൂചന. ശനിയാഴ്ച്ച ട്രയല്‍ റണ്‍ നടത്തും. ആഴ്ച്ചയില്‍ ഒരു ദിവസം സര്‍വ്വീസ് ഉണ്ടാകില്ല. രാവിലെ ഏഴിന് കാസര്‍ഗോഡ് നിന്നും പുറപ്പെട്ട് 3.05 തിരുവനന്തപുരത്തെത്തുന്ന തരത്തിലാണ് സമയക്രമമെന്നാണ് വിവരം. തിരുവനന്തപുരത്ത് നിന്നും വൈകിട്ട് 4.05 ന് പുറപ്പെട്ട് രാത്രി 11. 55 ന് കാസര്‍കോട്ടെത്തും.

കേരളത്തിന് ഒരു വന്ദേഭാരത് കൂടി അനുവദിക്കുമെന്ന് റെയില്‍വേ മന്ത്രി അശ്വിനി വൈഷ്ണവ് കഴിഞ്ഞ മാസം സൂചന നല്‍കിയിരുന്നു. അതിന് പിന്നാലെയാണ് ഇപ്പോള്‍ പുതിയ അറിയിപ്പുകള്‍ പുറത്തു വരുന്നത്. രണ്ടാമത് വന്ദേഭാരത് അനുവദിക്കുന്നതിന് മുന്നോടിയായി ലോക്കോ പൈലറ്റുമാര്‍ക്കുള്‍പ്പെടെ ചെന്നൈയില്‍ നേരത്തെ പരിശീലനം ആരംഭിച്ചിരുന്നു. ഡിസൈന്‍ മാറ്റം വരുത്തിയ ആദ്യ റേക്ക് തന്നെ കേരളത്തിന് അനുവദിക്കുന്നു എന്നത് ശ്രദ്ധേയമാണ്.

നിലവില്‍ 30 വന്ദേ ഭാരത് ട്രെയിനുകള്‍ രാജ്യത്ത് സര്‍വീസ് നടത്തുന്നുണ്ട്. ഇതിനുപുറമെയാണ് മൂന്ന് പുതിയ റേക്കുകള്‍ റെയില്‍വേ പുതിയതായി അനുവദിച്ചിരിക്കുന്നത്. രാവിലെ തിരുവനന്തപുരത്ത് നിന്ന് കാസര്‍കോടെത്തി രാത്രി മടങ്ങിയെത്തുന്നതാണ് നിലവിലുള്ള വന്ദേഭാരത് സര്‍വീസ്.