കരുനാഗപ്പള്ളി മോഡല്‍ പോളിടെക്‌നിക്ക് കോളജില്‍ ആറ് മാസം ദൈര്‍ഘ്യമുള്ള കംപ്യൂട്ടര്‍ നെറ്റ് വര്‍ക്ക് അഡ്മിനിസ്‌ട്രേഷന്‍ (സി എന്‍ എ) കോഴ്‌സിലേക്ക് അപേക്ഷിക്കാം. യോഗ്യത- സി ഒ ആന്‍ഡ് പി എ, ഡി സി എ, ഡേറ്റ എന്‍ട്രി, പി ജി ഡി സി എ, ബി എസ് സി, ബി സി എ, ഡിപ്ലോമ, ബിടെക് / കംപ്യൂട്ടര്‍ ഇലക്ട്രോണിക്‌സ് ആന്‍ഡ് ഇലക്ട്രിക്കല്‍ വിഷയങ്ങളില്‍ പഠനം പൂര്‍ത്തിയാക്കിയവര്‍, അവസാന വര്‍ഷ ബി എസ് സി, ബി സി എ, കംപ്യൂട്ടര്‍ ഹാര്‍ഡ്വെയര്‍ എന്‍ജിനീയറിങ് വിദ്യാര്‍ഥികള്‍, കംപ്യൂട്ടര്‍ എന്‍ജിനീയറിങ്, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിങ്, ഇലക്ട്രോണിക്‌സ് എന്‍ജിനീയറിങ്, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എന്‍ജിനീയറിങ്. ഫോണ്‍ 0476-2623597, 9447488348.
Blog
-
പേ വിഷ പ്രതിരോധ കുത്തിവയ്പ് ഇന്ന് ( സെപ്റ്റംബര്‍ 20) മുതല്‍
കൊല്ലം നഗരസഭയിലെ പേവിഷ നിയന്ത്രണ പദ്ധതിയുടെ ഉദ്ഘാടനം ഇന്ന് (സെപ്തംബര്‍ 20 ) രാവിലെ 9.30 ന് കൊല്ലം മേയര്‍ പ്രസന്ന ഏണസ്റ്റ് നിര്‍വഹിക്കും. തുടര്‍ന്ന് സെപ്റ്റംബര്‍ 30 വരെ ക്യാമ്പ് വാക്‌സിനേഷനുകള്‍ സജ്ജീകരിച്ചിട്ടുണ്ട്. കുത്തിവയ്പ് എടുത്ത നായ്ക്കള്‍ക്ക് സാക്ഷ്യപത്രം നല്‍കും. 45 രൂപയാണ് ഫീസ്.
ക്യാമ്പുകളുടെ തീയതിയും സമയക്രമവും
സെപ്റ്റംബര്‍ 20 ന് രാവിലെ 9.30 കന്റോണ്‍മെന്റ് ഗ്രൗണ്ട് ഡിവിഷന്‍ 42,43,44, 45
25ന് രാവിലെ 10- 12 വരെ ഓലയില്‍ മൃഗാശുപത്രി ഡിവിഷന്‍ 12,
26 ന് രാവിലെ 10.15 – 11.15 വരെ മുളങ്കാടകം ശ്മശാനം ഡിവിഷന്‍ ആറ്, 11.30 – 1.15 വരെ ഈസ്റ്റ് വെസ്റ്റ് നഗര്‍ ഡിവിഷന്‍ 50, 51,
27 ന് രാവിലെ 10.15 – 11.30 സെന്റ് ആന്റണി സ്‌കുള്‍ വാടി ഡിവിഷന്‍ 48,49, 12- ഒന്ന്‌വരെ- എസ് എന്‍ ഡി പി സ്‌കൂള്‍ ഡിവിഷന്‍ 15, 16,
29 ന് രാവിലെ 10.30- 12.30 അറവുശാല ഡിവിഷന്‍ 13, രണ്ട് മുതല്‍ നാല് വരെ കെ ഡി എ ബില്‍ഡിംഗ് ഡിവിഷന്‍ 46, 47,
30 ന് 10.30 – 12.30 കടപ്പാക്കട സ്‌പോര്‍ട്ട്‌സ് ക്ലബ്ഡിവിഷന്‍ 14, 16, 17, രണ്ട് -നാല് വരെ മുണ്ടാലുംമൂട് ഡിവിഷന്‍ 52, 53
-
ട്രെയിന്‍ യാത്രാസംവിധാനം പരിഷ്‌കരിക്കണം – മന്ത്രി കെ എന്‍ ബാലഗോപാല്‍
കൊല്ലം-ചെങ്കോട്ട പാതയിലെ ട്രെയിന്‍ യാത്രാക്രമീകരണം യാത്രക്കാര്‍ക്ക് പ്രയോജനപ്പെടും വിധമാക്കണമെന്ന് ധനകാര്യവകുപ്പ് മന്ത്രി കെ എന്‍ ബാലഗോപാല്‍ ആവശ്യപ്പെട്ടു. യാത്രക്കാരുടെ വിവിധ ആവശ്യങ്ങള്‍ മുന്‍നിര്‍ത്തി കേന്ദ്ര റെയില്‍വേ മന്ത്രി അശ്വിനി വൈഷ്ണവിന് മന്ത്രി കത്തും നല്‍കി.
ചെങ്കോട്ട-പുനലൂര്‍ പാതയില്‍ നിലവില്‍ ഓടിക്കൊണ്ടിരിക്കുന്ന ട്രെയിനുകളിലെ കോച്ചുകളുടെ എണ്ണം കൂട്ടണം. റദ്ദാക്കിയ 06659/06660 നമ്പര്‍ ട്രെയിന്‍ പുനസ്ഥാപിക്കുകയും വേണം. യാത്രക്കാര്‍ക്ക് സൗകര്യപ്രദമായ സമയം നിശ്ചയിക്കണം. മയിലാടുതുറൈ-ചെങ്കോട്ട എക്‌സ്പ്രസ്സ് കൊല്ലം വരെയാക്കണം. തിരുനെല്‍വേലി മാംഗളൂര്‍ സ്‌പെഷ്യല്‍ പ്രതിവാര ട്രെയിന്‍ തുടങ്ങുകയുംവേണം. 16102 കൊല്ലം ചെന്നൈ എഗ്മൂര്‍, 16729 മധുരൈ-പുനലൂര്‍ തീവണ്ടികളുടെ സമയക്രമവും യാത്രക്കാരുടെ സൗകര്യാര്‍ഥമാക്കണം. ശബരിമല സ്‌പെഷ്യല്‍ സര്‍വീസുകള്‍ തുടങ്ങണമെന്ന ആവശ്യവും മന്ത്രി ഉന്നയിച്ചിട്ടുണ്ട്. യാത്രക്കാരുടെ കൂട്ടായ്മ നല്‍കിയ പരാതികൂടി പരിഗണിച്ചാണ് കത്തു നല്‍കിയത്.
-
താനൂർ കസ്റ്റഡി കൊലപാതകം; സിബിഐ അന്വേഷണം തുടങ്ങി, പ്രതികളുടെ മുൻകൂർ ജാമ്യാപേക്ഷ അഭിഭാഷകൻ പിൻവലിച്ചു
മലപ്പുറം: താനൂരിലെ താമിർ ജിഫ്രി കസ്റ്റഡി കൊലപാതകത്തിൽ പ്രതികളായ നാല് പോലീസ് ഉദ്യോഗസ്ഥർ സമർപ്പിച്ച മുൻകൂർ ജാമ്യാപേക്ഷ ഹർജി പ്രതികളുടെ അഭിഭാഷകൻ പിൻവലിച്ചു. ഇതോടെ മഞ്ചേരി സെഷൻസ് കോടതിയിലെ നടപടി ക്രമങ്ങൾ അവസാനിപ്പിച്ചു. സിബിഐ എഫ്ഐആർ രജിസ്റ്റർ ചെയ്ത സാഹചര്യത്തിൽ പ്രതികൾ മുൻകൂർ ജാമ്യത്തിനായി എറണാകുളം പ്രത്യേക സിബിഐ കോടതിയേയോ ഹൈക്കോടതിയെയോ ആണ് സമീപിക്കേണ്ടത്. അത് കൊണ്ടാണ് ഹർജി പിൻവലിക്കുന്നത്. കേസിൽ സിബിഐ രജിസ്റ്റർ ചെയ്ത പുതിയ എഫ്ഐ ആർ കോടതിയിൽ പ്രതിഭാഗം ഹാജരാക്കി.
താനൂർ കസ്റ്റഡി കൊലപാതക കേസിൽ സിബിഐ അന്വേഷണം ഇന്നാണ് ആരംഭിക്കുന്നത്. അന്വേഷണ സംഘം താനൂരിലെത്തി. സംഘം കൊല്ലപ്പെട്ട താമിർ ജിഫ്രിയുടെ സഹോദരൻ ഹാരിസ് ജിഫ്രിയുടെ മൊഴി എടുക്കും.
ഓഗസ്റ്റ് ഒന്നിന് പോലീസ് കസ്റ്റഡിയിൽ വെച്ച് കൊല്ലപ്പെട്ട താമിർ ജിഫ്രിയുടെ കൊലപാതക കേസ്, കുടുംബം നടത്തിയ നിയമ പോരാട്ടത്തിന് ഒടുവിലാണ് സിബിഐ അന്വേഷിക്കുന്നത്. പൊലീസ് തിരക്കഥകൾ പൊളിച്ചു കൊണ്ട് റിപ്പോർട്ടർ ടിവി പുറത്തുകൊണ്ടുവന്ന തെളിവുകൾ കേസിൽ നിർണായകമായി. കേസ് അട്ടിമറിക്കാൻ ഉന്നത പൊലീസ് ഉദ്യോഗസ്ഥരടക്കം നടത്തിയ ഇടപടലുകളും അട്ടിമറി ശ്രങ്ങളും റിപ്പോർട്ടറിലൂടെ പുറംലോകമറിഞ്ഞു. ഒടുവിൽ സിബിഐ സംഘം എത്തുമ്പോൾ ഏറെ പ്രതീക്ഷയിലാണ് താമിർ ജിഫ്രിയുടെ കുടുംബം.
സിബിഐയുടെ തിരുവനന്തപുരം യൂണിറ്റാണ് കേസ് അന്വേഷിക്കുന്നത്. ഡിവൈഎസ്പി കുമാർ റോണക്കിന്റെ നേതൃത്വത്തിലുള്ള സംഘം താനൂർ ക്യാമ്പ് ചെയ്തു കൊണ്ടായിരിക്കും അന്വേഷണം നടത്തുക. ഇന്ന് മലപ്പുറത്ത് എത്തുന്ന സംഘം നേരത്തെ അന്വേഷണം നടത്തിയ ക്രൈം ബ്രാഞ്ച് സംഘത്തിൽ നിന്ന് വിവരങ്ങൾ ശേഖരിക്കും. കേസിൽ കൊലപാതക കുറ്റം ചുമത്തി നാല് പൊലീസ് ഉദ്യോഗസ്ഥരെ ക്രൈം ബ്രാഞ്ച് സംഘം പ്രതി ചേർത്തിരുന്നു. വൈകാതെ ഇവരുടെ അറസ്റ്റ് അടക്കമുള്ള നടപടികളിലേക്ക് സിബിഐ കടക്കുമെന്നാണ് സൂചന. പ്രതികളിൽ രണ്ട് പേർ വിദേശത്തേക്ക് കടന്നുവെന്ന് താമിർ ജിഫ്രിയുടെ കുടുംബം ആരോപിച്ചിരുന്നു.
-
ദേവസ്വം വകുപ്പ് മന്ത്രി കെ. രാധാകൃഷ്ണനെതിരെ പയ്യന്നൂർ നമ്പ്യാത്തറ ക്ഷേത്രത്തിലെ ചടങ്ങിൽ വച്ചുണ്ടായ ജാതിവിവേചനം തെമ്മാടിത്തവും പുരോഗമന കേരളത്തിന് അപമാനകരവും : DYFI
ദേവസ്വം വകുപ്പ് മന്ത്രി കെ. രാധാകൃഷ്ണനെതിരെ പയ്യന്നൂർ നമ്പ്യാത്തറ ക്ഷേത്രത്തിലെ ചടങ്ങിൽ വച്ചുണ്ടായ ജാതിവിവേചനം തെമ്മാടിത്തവും പുരോഗമന കേരളത്തിന് അപമാനകരവുമാണ്.
സാമൂഹ്യ നവോത്ഥാന പ്രസ്ഥാനങ്ങൾ ഇളക്കിമറിച്ച കേരളത്തിന്റെ സാമൂഹ്യ അന്തരീക്ഷത്തിൽ ഇന്നും നീചമായ ജാതി ചിന്തകൾ ഉയർത്തിപ്പിടിക്കുന്ന ചില വ്യക്തികളുണ്ട് എന്നത് കേരളത്തിന്റെ നവോത്ഥാന ചരിത്രത്തെ പോലും വെല്ലുവിളിക്കുന്നതാണ്.
ജാതി ചിന്തകളുടെ ഭ്രാന്താലയമായിരുന്ന കേരളത്തിൽ സാമൂഹ്യ-നവോത്ഥാന പ്രസ്ഥാനങ്ങളും കമ്മ്യൂണിസ്റ്റ് പ്രസ്ഥാനവും നടത്തിയ സാംസ്കാരിക മുന്നേറ്റങ്ങളാണ് ഇന്നത്തെ പുരോഗമന സമൂഹത്തെ കെട്ടിപ്പടുത്തത്. ആ സമൂഹത്തെ നാണം കെടുത്തുന്ന ഇത്തരത്തിലുള്ള വ്യക്തികളെയും ചിന്തകളെയും ഒറ്റപ്പെടുത്തേണ്ടത് കേരളീയ സമൂഹത്തിൻറെ മുന്നോട്ടുപോക്കിന് അനിവാര്യമാണ്.
മന്ത്രി കെ. രാധാകൃഷ്ണനെതിരെ ഉണ്ടായ ജാതി വിവേചനത്തിൽ ശക്തമായി പ്രതിഷേധിക്കുന്നു. ജാതീയത പോലുള്ള എല്ലാതരം അനീതികൾക്കെതിരെയും ഉള്ള തുടർപോരാട്ടങ്ങൾക്ക് ഡി വൈ എഫ് ഐ നേതൃത്വം നൽകുമെന്ന് ഡിവൈഎഫ്ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.
DYFI KERALA