കേരള സർക്കാർ സ്ഥാപനമായ സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷൻ ആൻഡ് ടെക്നോളജി (സി-മെറ്റ്) യുടെ കീഴിൽ വർക്കല, നെയ്യാറ്റിൻകര, കോന്നി, നൂറനാട്, ധർമ്മടം, തളിപ്പറമ്പ എന്നി സ്ഥലങ്ങളിൽ പുതുതായി അനുവദിച്ച നഴ്സിംഗ് കോളേജുകളിലെ 360 സീറ്റുകളിലേക്കും നിലവിലുള്ള കോളേജുകളിലെ ഒഴിവുള്ള മെറിറ്റ് / എൻ.ആർ.ഐ സീറ്റുകളിലേയ്ക്കും എൽ.ബി.എസ് മുഖേന അലോട്ട്മെന്റ് നടത്തും. പുതിയതായി അനുവദിച്ച കോളേജുകളിലെ 360 സീറ്റുകളിൽ 306 സീറ്റുകൾ മെറിറ്റ് വിഭാഗത്തിലും, 54 സീറ്റുകൾ എൻ.ആർ.ഐ വിഭാഗത്തിലുമാണ്. ഈ സീറ്റുകൾ ഉൾപ്പെടെ ഒഴിവുള്ള എൻ.ആർ.ഐ സീറ്റുകളിലേയ്ക്കും മെറിറ്റ് സീറ്റുകളിലേക്കും സെപ്റ്റംബർ 21 മുതൽ എൽ.ബി.എസ് വെബ്സൈറ്റ് മുഖേന കോളേജ് ഓപ്ഷനുകൾ നൽകാം. കൂടുതൽ വിവരങ്ങൾക്ക്: www.simet.in, 0471 – 2302400.
Blog
-
ഉയര്‍ന്ന തിരമാല ജാഗ്രത നിര്‍ദേശം
തെക്കന്‍ തമിഴ്‌നാട് തീരത്ത് ഇന്ന് (സെപ്റ്റംബര്‍ 20) രാത്രി 11.30 വരെ 1.8 മുതല്‍ 2.0 മീറ്റര്‍ വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ഈ സാഹചര്യത്തില്‍ മത്സ്യത്തൊഴിലാളികള്‍ക്കും തീരദേശവാസികള്‍ക്കും സംസ്ഥാന ദുരന്തനിവാരണ അതോറിറ്റി ജാഗ്രതാ നിര്‍ദേശം നല്‍കി. മത്സ്യബന്ധന യാനങ്ങളുടെയും ഉപകരണങ്ങളുടെയും സുരക്ഷ ഉറപ്പാക്കണമെന്നും ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണമായും ഒഴിവാക്കണമെന്നും മുന്നറിയിപ്പുണ്ട്.
-
ബംഗാള്‍ ഉള്‍ക്കടലില്‍ ന്യൂനമര്‍ദ്ദം, അഞ്ചുദിവസം മഴയ്ക്ക് സാധ്യത
കേരളത്തില്‍ അടുത്ത അഞ്ചുദിവസം മിതമായ / ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. വടക്ക് പടിഞ്ഞാറന്‍ ബംഗാള്‍ ഉള്‍ക്കടലില്‍ പശ്ചിമ ബംഗാള്‍ – ഒഡിഷ തീരത്തിനു സമീപം ന്യുനമര്‍ദ്ദം സ്ഥിതി ചെയ്യുന്നു. അടുത്ത രണ്ടു ദിവസം പടിഞ്ഞാറ് വടക്ക് – പടിഞ്ഞാറു ദിശയില്‍ സഞ്ചരിച്ചു വടക്കന്‍ ഒഡിഷ – തെക്കന്‍ ജാര്‍ഖണ്ഡ് മുകളിലൂടെ നീങ്ങാന്‍ സാധ്യത. തെക്ക് പടിഞ്ഞാറന്‍ രാജസ്ഥാന് മുകളില്‍ ചക്രവാതചുഴിയും നിലനില്‍ക്കുന്നുണ്ട്. ഇതിന്റെ സ്വാധീനഫലമായാണ് മഴ പ്രതീക്ഷിക്കുന്നത്.
