ആരാണാ ബംബര്‍ ഭാഗ്യവാന്‍ ?
TE 230662
Blog
-
ബംഗാള്‍ ഉള്‍ക്കടലില്‍ ന്യൂനമര്‍ദ്ദം, അഞ്ചുദിവസം മഴയ്ക്ക് സാധ്യത
കേരളത്തില്‍ അടുത്ത അഞ്ചുദിവസം മിതമായ / ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. വടക്ക് പടിഞ്ഞാറന്‍ ബംഗാള്‍ ഉള്‍ക്കടലില്‍ പശ്ചിമ ബംഗാള്‍ – ഒഡിഷ തീരത്തിനു സമീപം ന്യുനമര്‍ദ്ദം സ്ഥിതി ചെയ്യുന്നു. അടുത്ത രണ്ടു ദിവസം പടിഞ്ഞാറ് വടക്ക് – പടിഞ്ഞാറു ദിശയില്‍ സഞ്ചരിച്ചു വടക്കന്‍ ഒഡിഷ – തെക്കന്‍ ജാര്‍ഖണ്ഡ് മുകളിലൂടെ നീങ്ങാന്‍ സാധ്യത. തെക്ക് പടിഞ്ഞാറന്‍ രാജസ്ഥാന് മുകളില്‍ ചക്രവാതചുഴിയും നിലനില്‍ക്കുന്നുണ്ട്. ഇതിന്റെ സ്വാധീനഫലമായാണ് മഴ പ്രതീക്ഷിക്കുന്നത്.
-
സായാഹ്നകോഴ്‌സിലേക്ക് അപേക്ഷിക്കാം
കരുനാഗപ്പള്ളി മോഡല്‍ പോളിടെക്‌നിക്ക് കോളജില്‍ ആറ് മാസം ദൈര്‍ഘ്യമുള്ള കംപ്യൂട്ടര്‍ നെറ്റ് വര്‍ക്ക് അഡ്മിനിസ്‌ട്രേഷന്‍ (സി എന്‍ എ) കോഴ്‌സിലേക്ക് അപേക്ഷിക്കാം. യോഗ്യത- സി ഒ ആന്‍ഡ് പി എ, ഡി സി എ, ഡേറ്റ എന്‍ട്രി, പി ജി ഡി സി എ, ബി എസ് സി, ബി സി എ, ഡിപ്ലോമ, ബിടെക് / കംപ്യൂട്ടര്‍ ഇലക്ട്രോണിക്‌സ് ആന്‍ഡ് ഇലക്ട്രിക്കല്‍ വിഷയങ്ങളില്‍ പഠനം പൂര്‍ത്തിയാക്കിയവര്‍, അവസാന വര്‍ഷ ബി എസ് സി, ബി സി എ, കംപ്യൂട്ടര്‍ ഹാര്‍ഡ്വെയര്‍ എന്‍ജിനീയറിങ് വിദ്യാര്‍ഥികള്‍, കംപ്യൂട്ടര്‍ എന്‍ജിനീയറിങ്, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിങ്, ഇലക്ട്രോണിക്‌സ് എന്‍ജിനീയറിങ്, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എന്‍ജിനീയറിങ്. ഫോണ്‍ 0476-2623597, 9447488348.
-
പേ വിഷ പ്രതിരോധ കുത്തിവയ്പ് ഇന്ന് ( സെപ്റ്റംബര്‍ 20) മുതല്‍
കൊല്ലം നഗരസഭയിലെ പേവിഷ നിയന്ത്രണ പദ്ധതിയുടെ ഉദ്ഘാടനം ഇന്ന് (സെപ്തംബര്‍ 20 ) രാവിലെ 9.30 ന് കൊല്ലം മേയര്‍ പ്രസന്ന ഏണസ്റ്റ് നിര്‍വഹിക്കും. തുടര്‍ന്ന് സെപ്റ്റംബര്‍ 30 വരെ ക്യാമ്പ് വാക്‌സിനേഷനുകള്‍ സജ്ജീകരിച്ചിട്ടുണ്ട്. കുത്തിവയ്പ് എടുത്ത നായ്ക്കള്‍ക്ക് സാക്ഷ്യപത്രം നല്‍കും. 45 രൂപയാണ് ഫീസ്.
ക്യാമ്പുകളുടെ തീയതിയും സമയക്രമവും
സെപ്റ്റംബര്‍ 20 ന് രാവിലെ 9.30 കന്റോണ്‍മെന്റ് ഗ്രൗണ്ട് ഡിവിഷന്‍ 42,43,44, 45
25ന് രാവിലെ 10- 12 വരെ ഓലയില്‍ മൃഗാശുപത്രി ഡിവിഷന്‍ 12,
26 ന് രാവിലെ 10.15 – 11.15 വരെ മുളങ്കാടകം ശ്മശാനം ഡിവിഷന്‍ ആറ്, 11.30 – 1.15 വരെ ഈസ്റ്റ് വെസ്റ്റ് നഗര്‍ ഡിവിഷന്‍ 50, 51,
27 ന് രാവിലെ 10.15 – 11.30 സെന്റ് ആന്റണി സ്‌കുള്‍ വാടി ഡിവിഷന്‍ 48,49, 12- ഒന്ന്‌വരെ- എസ് എന്‍ ഡി പി സ്‌കൂള്‍ ഡിവിഷന്‍ 15, 16,
29 ന് രാവിലെ 10.30- 12.30 അറവുശാല ഡിവിഷന്‍ 13, രണ്ട് മുതല്‍ നാല് വരെ കെ ഡി എ ബില്‍ഡിംഗ് ഡിവിഷന്‍ 46, 47,
30 ന് 10.30 – 12.30 കടപ്പാക്കട സ്‌പോര്‍ട്ട്‌സ് ക്ലബ്ഡിവിഷന്‍ 14, 16, 17, രണ്ട് -നാല് വരെ മുണ്ടാലുംമൂട് ഡിവിഷന്‍ 52, 53
-
ട്രെയിന്‍ യാത്രാസംവിധാനം പരിഷ്‌കരിക്കണം – മന്ത്രി കെ എന്‍ ബാലഗോപാല്‍
കൊല്ലം-ചെങ്കോട്ട പാതയിലെ ട്രെയിന്‍ യാത്രാക്രമീകരണം യാത്രക്കാര്‍ക്ക് പ്രയോജനപ്പെടും വിധമാക്കണമെന്ന് ധനകാര്യവകുപ്പ് മന്ത്രി കെ എന്‍ ബാലഗോപാല്‍ ആവശ്യപ്പെട്ടു. യാത്രക്കാരുടെ വിവിധ ആവശ്യങ്ങള്‍ മുന്‍നിര്‍ത്തി കേന്ദ്ര റെയില്‍വേ മന്ത്രി അശ്വിനി വൈഷ്ണവിന് മന്ത്രി കത്തും നല്‍കി.
ചെങ്കോട്ട-പുനലൂര്‍ പാതയില്‍ നിലവില്‍ ഓടിക്കൊണ്ടിരിക്കുന്ന ട്രെയിനുകളിലെ കോച്ചുകളുടെ എണ്ണം കൂട്ടണം. റദ്ദാക്കിയ 06659/06660 നമ്പര്‍ ട്രെയിന്‍ പുനസ്ഥാപിക്കുകയും വേണം. യാത്രക്കാര്‍ക്ക് സൗകര്യപ്രദമായ സമയം നിശ്ചയിക്കണം. മയിലാടുതുറൈ-ചെങ്കോട്ട എക്‌സ്പ്രസ്സ് കൊല്ലം വരെയാക്കണം. തിരുനെല്‍വേലി മാംഗളൂര്‍ സ്‌പെഷ്യല്‍ പ്രതിവാര ട്രെയിന്‍ തുടങ്ങുകയുംവേണം. 16102 കൊല്ലം ചെന്നൈ എഗ്മൂര്‍, 16729 മധുരൈ-പുനലൂര്‍ തീവണ്ടികളുടെ സമയക്രമവും യാത്രക്കാരുടെ സൗകര്യാര്‍ഥമാക്കണം. ശബരിമല സ്‌പെഷ്യല്‍ സര്‍വീസുകള്‍ തുടങ്ങണമെന്ന ആവശ്യവും മന്ത്രി ഉന്നയിച്ചിട്ടുണ്ട്. യാത്രക്കാരുടെ കൂട്ടായ്മ നല്‍കിയ പരാതികൂടി പരിഗണിച്ചാണ് കത്തു നല്‍കിയത്.