തിരുവനന്തപുരം: നെയ്യാർ ഡാമിന്റെ 4 ഷട്ടറുകളും നിലവിൽ 15 സെന്റീമീറ്റർ വീതം ഉയർത്തിയിട്ടുണ്ട്. ഇന്ന് (സെപ്റ്റംബർ – 22 ) ന് 5 സെന്റീമീറ്റർ കൂടി ഓരോ ഷട്ടറും ഉയർത്തുമെന്ന് ജില്ലാ കളക്ടർ അറിയിച്ചു.
Blog
-
സൈബര്‍ അധിക്ഷേപം; മറിയാ ഉമ്മന്റെ പരാതിയില്‍ കേസെടുത്തു
തിരുവനന്തപുരം: സൈബര്‍ അധിക്ഷേപത്തിനെതിരെ ഉമ്മന്‍ചാണ്ടിയുടെ മകള്‍ മറിയ ഉമ്മന്‍ നല്‍കിയ പരാതിയില്‍ കേസെടുത്തു. ലൈംഗികാധിക്ഷേപം, സ്ത്രീത്വത്തെ അപമാനിക്കല്‍ എന്നീ വകുപ്പുകള്‍ പ്രകാരമാണ് പൂജപ്പുര പൊലീസ് കേസെടുത്തത്. പുതുപ്പള്ളി തിരഞ്ഞെടുപ്പ് ഫലം വന്നതിന് പിന്നാലെ തനിക്കെതിരെ വ്യാപകമായി സമൂഹമാധ്യമങ്ങളില്‍ സൈബര്‍ ആക്രമണം നടക്കുന്നതായി മറിയ ഉമ്മന്‍ പരാതിയില്‍ പറയുന്നു.
സൈബര്‍ ആക്രമണങ്ങള്‍ക്ക് പിന്നില്‍ സിപിഐഎം സൈബര്‍ സംഘങ്ങളാണെന്നും മറിയ പരാതിയില്‍ ആരോപിക്കുന്നു. നേരത്തെ ഉമ്മന്‍ ചാണ്ടിയുടെ ഇളയ മകള്‍ അച്ചു ഉമ്മനും സൈബര്‍ ആക്രമണത്തിനെതിരെ പരാതി നല്‍കിയിരുന്നു. പുതുപ്പള്ളി ഉപതെരഞ്ഞെടുപ്പ് സമയത്തായിരുന്നു അച്ചു ഉമ്മന്‍ പരാതി നല്‍കിയത്. ഈ പരാതിയിന്മേല്‍ കേസ് എടുത്ത് അന്വേഷണം പുരോഗമിക്കുകയാണ്.
-
കെ രാധാകൃഷ്ണനെതിരായ ജാതി അധിക്ഷേപം; മേല്‍ശാന്തിയെ പിരിച്ചുവിടണമെന്ന് ശിവഗിരി മഠം
തിരുവനന്തപുരം: മന്ത്രി കെ രാധാകൃഷ്ണനെതിരായ ജാതി അധിക്ഷേപത്തില്‍ പയ്യന്നൂര്‍ ക്ഷേത്രത്തിലെ മേല്‍ശാന്തിക്കെതിരെ നടപടി വേണമെന്ന് ശിവഗിരി മഠം. മേല്‍ശാന്തിയെ വൈദികവൃത്തിയില്‍ നിന്നും പിരിച്ചുവിടണമെന്ന് ശിവഗിരി ധര്‍മ്മസംഘം പ്രസിഡന്റ് സ്വാമി സച്ചിദാനന്ദ പറഞ്ഞു. മന്ത്രിക്കെതിരായ ജാതി വിവേചനം കേരളത്തിന് അപമാനമാണെന്നും സ്വാമി സച്ചിദാനന്ദ വ്യക്തമാക്കി.
‘കേരളത്തിന്റെ മന്ത്രി രാധാകൃഷ്ണന് മലബാറിലെ ക്ഷേത്രത്തില്‍ നിന്നും അയിത്തതിന്റെ പേരിലുള്ള തിക്താനുഭവം ഉണ്ടായിരിക്കുകയാണ്. ശ്രീനാരായണ ഗുരുവിന്റെ രാജ്യമെന്ന് അറിയപ്പെടുന്ന കേരളത്തിന് അപമാനകരമായ ഒന്നാണെന്ന് പറയാതിരിക്കാന്‍ നിവര്‍ത്തിയില്ല. പയ്യന്നൂരിലുള്ള ക്ഷേത്രത്തില്‍ മന്ത്രി ഒരു ചടങ്ങിന്റെ ഉദ്ഘാടനത്തിനെത്തിയതായിരുന്നു. തന്ത്രി നിലവിളക്ക് കൊളുത്തുന്നതിനായി ദീപവുമായി വേദിയിലെത്തി. അദ്ദേഹം തന്നെ ദീപം തെളിയിച്ച ശേഷം അസിസ്റ്റന്റിന് കൊടുത്തു. അദ്ദേഹം തെളിയിച്ച ശേഷം ദീപം നിലത്ത് വെക്കുകയായിരുന്നു. മന്ത്രിയോട് എടുത്ത് കത്തിക്കാന്‍ പറഞ്ഞു. അദ്ദേഹം അത് ചെയ്തില്ല. ഞാന്‍ ദേവസ്വം ബോര്‍ഡ് മന്ത്രിയാണ്. ഞാന്‍ തരുന്ന പണത്തിന് നിങ്ങള്‍ക്ക് അയിത്തമില്ലെന്ന് അദ്ദേഹം പറഞ്ഞു. കേരളത്തെ വീണ്ടും ഭ്രാന്താലയമാക്കാനുള്ള ചില ശക്തികളുടെ നീക്കം ഈ രാജ്യത്ത് നടക്കുകയാണ്. ഇതിനെ ചെറുത്ത് തോല്‍പ്പിക്കേണ്ടത് കാലഘട്ടത്തിന്റെ അനിവാര്യതയാണ്. ആറ് മാസങ്ങള്‍ക്ക് മുമ്പാണിത്. അനുഭവം ഉണ്ടായ അന്ന് തന്നെ പ്രതിഷേധം രേഖപ്പെടുത്തുകയും കേരളത്തിന്റെ ജനത അന്ന് തന്നെ പ്രതിഷേധിക്കുകയും വേണമായിരുന്നു. കേരളത്തെ അപമാനിച്ച തന്ത്രിയെ പിരിച്ചുവിടണം. അതിനുള്ള നടപടി സ്വീകരിക്കണം. ഇനിയും ഇങ്ങനെ തുടരുന്നത് മാറി മാറി വരുന്ന സര്‍ക്കാരിന്റെ മൃദു സമീപനമാണ്. അങ്ങനെ പോരെ. ശക്തമായ നിലപാട് എടുത്ത്‌പോകണം.’ എന്നായിരുന്നു സ്വാമി സച്ചിദാനന്ദയുടെ വാക്കുകള്‍.
പയ്യന്നൂരിലെ നമ്പ്യാത്തറ ക്ഷേത്രത്തിലായിരുന്നു മന്ത്രിക്ക് ജാതി വിവേചനം നേരിട്ടത്. ഇക്കാര്യം കെ രാധാകൃഷ്ണന് തന്നെയാണ് മറ്റൊരു വേദിയില്‍ പറഞ്ഞത്. കഴിഞ്ഞ ജനുവരി 26 നായിരുന്നു സംഭവം. ദേവസ്വം ബോര്‍ഡിന് കീഴിലുള്ള ക്ഷേത്രത്തിലെ നടപ്പന്തല്‍ ഉദ്ഘാടനത്തിന് എത്തിയതായിരുന്നു മന്ത്രി. നിലവിളക്ക് കൊളുത്തിയായിരുന്നു ഉദ്ഘാടനം. പൂജാരിമാര്‍ നിലവിളക്ക് കൊളുത്തിയ ശേഷം ദീപം മന്ത്രിക്ക് കൈമാറാനായി സഹപൂജാരിക്കായി കൈമാറി. എന്നാല്‍ അത് മന്ത്രിക്ക് കൈമാറാതെ നിലത്ത് വെക്കുകയായിരുന്നു. തുടര്‍ന്ന് ദീപം മന്ത്രി എടുക്കാന്‍ തയ്യാറായില്ല. പിന്നാലെ ക്ഷേത്രം എക്സിക്യൂട്ടീവ് ഓഫീസര്‍ ബീന ദീപം നിലത്തുനിന്നെടുത്ത് മന്ത്രിക്ക് നീട്ടിയെങ്കിലും വാങ്ങാന്‍ തയ്യാറല്ലായിരുന്നു.
-
മല്ലുട്രാവലറെ ചുമതലകളില്‍ നിന്ന് നീക്കി ‘കിക്’; ഷിയാസ് കരീമിനെ പരിപാടികളില്‍ നിന്ന് മാറ്റിനിര്‍ത്തും
കൊച്ചി: മല്ലു ട്രാവലര്‍ എന്നറിയപ്പെടുന്ന വ്‌ളോഗര്‍ ഷാക്കിര്‍ സുബ്ഹാനെതിരെ ലൈംഗികാതിക്രമ പരാതി ഉയര്‍ന്ന സാഹചര്യത്തില്‍ അദ്ദേഹത്തെ ചുമതലകളില്‍ നിന്നും മാറ്റിയതായി ഇന്‍ഫ്‌ളുവന്‍സേഴ്‌സ് കമ്മ്യൂണിറ്റി. വൈസ് പ്രസിഡന്റ് സ്ഥാനത്ത് നിന്നുള്‍പ്പെടെ മാറ്റിയതായി കേരള ഇന്‍ഫ്‌ളുവന്‍സേഴ്‌സ് കമ്മ്യൂണിറ്റി (കിക്) ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
കമ്മ്യൂണിറ്റിയിലെ ആഭ്യന്തര സെല്‍ നടത്തിയ അന്വേഷണത്തിന് പിന്നാലെയാണ് നടപടി. പരാതിയില്‍ കഴമ്പുണ്ടെന്ന് തെളിഞ്ഞാല്‍ കര്‍ശന നടപടി സ്വീകരിക്കുമെന്നും വ്യാജമാണെന്ന് വ്യക്തമായാല്‍ നിയമസഹായം ഉള്‍പ്പെടെ പിന്തുണ നല്‍കുമെന്നും അവര്‍ വ്യക്തമാക്കി.
വിവാഹവാഗ്ദാനം നല്‍കി പീഡിപ്പിച്ചുവെന്ന ആരോപണം നേരിട്ട സീരിയല്‍ താരം ഷിയാസ് കരീം കമ്മ്യൂണിറ്റിയില്‍ അംഗമല്ലാത്തതിനാല്‍ തന്നെ മറ്റ് നടപടികളിലേക്ക് കടക്കാതെ മാറ്റി നിര്‍ത്താനാണ് തീരുമാനം. സെലിബ്രിറ്റിയെന്ന നിലയ്ക്കുള്ള ക്ഷണിതാവായ ഷിയാസ് കരീമിനെ ഔദ്യോഗിക പരിപാടികളിലേക്ക് ക്ഷണിക്കേണ്ടതില്ലെന്നാണ് തീരുമാനം.
സൗദി അറേബ്യന്‍ വനിതയെ പീഡിപ്പിക്കാന്‍ ശ്രമിച്ചെന്നാണ് വ്‌ളോഗര്‍ മല്ലു ട്രാവലര്‍ക്കെതിരായ പരാതി. ഇന്റര്‍വ്യൂ ചെയ്യാന്‍ എത്തിയ സമയത്താണ് അപമര്യാദയായി പെരുമാറിയതെന്ന് യുവതി പറയുന്നു. യുവതിയുടെ പരാതിയില്‍ എറണാകുളം സെന്‍ട്രല്‍ പൊലീസാണ് കേസെടുത്തത്.
-
മകനെയും ചെറുമകനെയും തീ കൊളുത്തി കൊന്ന് വിഷം കഴിച്ച പിതാവ് മരിച്ചു
തൃശൂർ ചിറക്കേക്കോട് മകനെയും ചെറുമകനെയും തീ കൊളുത്തി കൊന്ന പിതാവ് മരിച്ചു. തീ കൊളുത്തിയ ശേഷം വിഷം കഴിച്ച കൊട്ടേക്കാടൻ ജോൺസനാണ് മരിച്ചത്. കഴിഞ്ഞ 14 നായിരുന്നു ജോൺസൻ ഞെട്ടിക്കുന്ന ക്രൂരകൃത്യം നടത്തിയത്.
കുടുംബവഴക്കിനെ തുടർന്നാണ് ജോൺസൺ തീകൊളുത്തിയതെന്നാണ് വിവരം. അമ്പതു ശതമാനത്തിന് മുകളിൽ പരുക്കേറ്റ മരുമകൾ ലിജി കൊച്ചിയിലെ സ്വകാര്യ ആശുപത്രിയിൽ ചികിത്സയിലാണ്.
തൃശൂർ ചിറക്കേക്കോടിൽ കഴിഞ്ഞ 14 ന് പുലർച്ചെയാണ് കൊട്ടേക്കാടൻ ജോൺസൻ മകൻ ജോജി, മരുമകൾ ലിജി ചെറുമകൻ ടെണ്ടുൽകർ എന്നിവരെ പെട്രോളൊഴിച്ച് തീക്കൊളുത്തിയത്. ഉറങ്ങിക്കിടക്കവേ ജനവാതിൽ തുറന്ന് പെട്രോൾ ഒഴിച്ച് കത്തിക്കുകയായിരുന്നു. മകനും ചെറുമകനും പിന്നാലെ മരണപ്പെട്ടു. സംഭവത്തിനു ശേഷം മാരക വിഷം കഴിച്ച ജോൺസൻ സ്വകാര്യ ആശുപത്രിയിൽ വെച്ച് ഇന്ന് വൈകുന്നേരത്തോടെ മരണപ്പെടുകയായിരുന്നു. തീ കൊളുത്തവേ ജോൺസനും പൊള്ളലേറ്റിരുന്നു.