Blog

റിപ്പോർട്ടർ : സുരാജ് പുനലൂർ

പുനലൂർ : സെൻറ് ഗൊരേറ്റി സ്കൂളിന് സമീപമുള്ള നാലോളം കടകൾ ഇന്നലെ അഗ്നിരയായ വിവരം ഞങ്ങൾ നേരത്തെ റിപ്പോർട്ട് ചെയ്തിരുന്നു.

ആതിര എന്ന ആളിന്റെ ഉടമസ്ഥതയിലുള്ള ലൈലാക്ക് തുണിക്കട ഏകദേശം 8 ലക്ഷം രൂപയുടെ നഷ്ടം ഉള്ളതായി ഉടമ പറഞ്ഞു.

സുധീർ എന്ന ആളിന്റെ മൊബൈൽ കട പൂർണമായും കത്തിപ്പോയി അതിൻറെ നഷ്ടവും ഏകദേശം 7 ലക്ഷം രൂപയോളം വരും. 35 വർഷമായി പുനലൂർ പട്ടണത്തിൽ അറിയപ്പെടുന്ന അർച്ചന ബ്യൂട്ടിപാർലർ മുഴുവനായും കത്തിപ്പോയി ഏകദേശം 15 ലക്ഷം രൂപയുടെ നഷ്ടം കണക്കാക്കുന്നു.

ആർ ഡി ഓ ശശികുമാർ,പുനലൂർ മുനിസിപ്പൽ ചെയർ പേഴ്സൺ ബി സുജാത, കൗൺസിലർ അജി ആൻറണി, സിപിഎം നേതാവ് എസ് ബിജു എന്നിവർ സന്ദർശനം നടത്തി

സെന്റ് ഗൊരേറ്റി ഹയർസെക്കൻഡറി സ്കൂളിന് അടുത്തുള്ള കടകൾ ഇന്ന് പുലർച്ചെ 3:00 മണിക്ക് തീ പിടിച്ചു. ലക്ഷക്കണക്കിന് രൂപയുടെ നാശനഷ്ടം ഉണ്ടായതായി കണക്കാക്കുന്നു.

തീപിടുത്തത്തിന്റെ കാരണം വ്യക്തമല്ല.

ന്യൂഡല്‍ഹി: പുതിയ പാര്‍ലമെന്റ് മന്ദിരത്തില്‍ ശ്രീനാരായണ ഗുരുവിന്റെ ചിത്രം ഉള്‍പ്പെടുത്തണമെന്ന് എ.എ റഹീം എം.പി ആവശ്യപ്പെട്ടു. ഇതുമായി ബന്ധപ്പെട്ട് അദ്ദേഹം കേന്ദ്ര പാര്‍ലമെന്ററി കാര്യ മന്ത്രി പ്രല്‍ഹദ് ജോഷിക്ക് കത്തയച്ചു.

മനുഷ്യര്‍ തമ്മിലുള്ള ചേരിതിരിവുകള്‍ രൂക്ഷമായിരുന്ന, അനാചാരങ്ങള്‍ക്കും അന്ധവിശ്വാസങ്ങള്‍ക്കും മേല്‍ക്കൈയുണ്ടായിരുന്ന കാലഘട്ടത്തില്‍ ജീവിത പരിസരങ്ങളെ നവോത്ഥാനത്തിന്റെ വെളിച്ചത്തിലേക്ക് കൈപിടിച്ചു കൊണ്ടുവന്നത് ഗുരു ദര്‍ശനങ്ങളാണ്. ജാതീയമായ ഉച്ചനീചത്വങ്ങളെ ചോദ്യംചെയ്യാനും സാമൂഹ്യ ജീവിതത്തെ ജനാധിപത്യവത്കരിക്കാനും ഗുരുദേവ ദര്‍ശനങ്ങള്‍ ജനങ്ങളോടാഹ്വാനം ചെയ്‌തെന്നും കത്തില്‍ ചൂണ്ടിക്കാട്ടുന്നു.

ഇന്ത്യയുടെയാകെ സാമൂഹ്യ മുന്നേറ്റത്തിന് കരുത്ത് പകര്‍ന്ന ഗുരുവിന്റെ ചിത്രം പാര്‍ലമെന്റില്‍ സ്ഥാപിക്കുക വഴി ഇന്ത്യന്‍ ജനാധിപത്യത്തിന്റെ നെടുംതൂണുകളായ സമത്വം, നീതി, സാഹോദര്യം ബഹുസ്വരത തുടങ്ങിയ ആശയങ്ങളെ ഓര്‍മിപ്പിക്കുക കൂടിയാണ് ചെയ്യുന്നതെന്നും കത്തില്‍ പറയുന്നു. ഗുരുദര്‍ശനങ്ങള്‍ ആവേശം നല്‍കുമെന്നും സമത്വാധിഷ്ഠിത സമൂഹത്തിന്റെ പരികല്പനകള്‍ക്ക് പ്രചോദനമാകുമെന്നും എം.പി കൂട്ടി ചേര്‍ത്തു.

റിപ്പോർട്ടർ : സുരാജ് പുനലൂർ

പുനലൂർ : പ്രധാനപ്പെട്ട എല്ലാ ശ്രീനാരായണ ക്ഷേത്രങ്ങളിലും ശ്രീനാരായണ ഗുരുദേവന്റെ 96 മത് സമാധി ദിനം ഗുരുദേവ പൂജകളോടെ ആചരിച്ചു.

കേരളത്തിൽ നിലനിന്നിരുന്ന സവർണ്ണ മേൽക്കോയ്മ, തൊട്ടുകൂടായ്മ, തീണ്ടി കൂടായ്മ തുടങ്ങിയ സാമൂഹ്യ തിന്മകൾക്കെതിരെയും അന്ധവിശ്വാസങ്ങൾക്കെതിരെയും പോരാടിയ കേരളീയ സമൂഹത്തെ നവോത്ഥാനത്തിലേക്ക് നയിച്ച ജാതി വ്യവസ്ഥയെ ചോദ്യം ചെയ്ത നവോത്ഥാന നായകനായിരുന്നു ശ്രീനാരായണഗുരുദേവൻ എന്ന് പുനലൂർ താലൂക്ക് എസ്എൻഡിപി യൂണിയൻ പ്രസിഡൻറ് ടി കെ സുന്ദരേശൻ പറഞ്ഞു

റിപ്പോർട്ടർ : അച്ചു പ്രദീപ്

പുനലൂർ : കേന്ദ്ര ബി.ജെ.പി സർക്കാരിന്റെ ജനവിരുദ്ധ നയങ്ങൾക്കും, വർഗ്ഗീയതയ്ക്കുമെതിരെയും കേരള സർക്കാരിന്റെ വികസന നേട്ടങ്ങൾ വിശദീകരിച്ചുകൊണ്ടും, CPI(M)പുനലൂർ ഏരിയ കമ്മിറ്റിയുടെ നേതൃത്വത്തിൽ സംഘടിപ്പിച്ചിട്ടുള്ള കാൽനട പ്രചരണ ജാഥ ഈ മാസം 24ന് ആര്യങ്കാവിൽ CPI(M) ജില്ലാ സെക്രട്ടറി എസ്. സുദേവൻ ഉദ്ഘാടനം ചെയ്ത് പര്യടനമാരംഭിക്കും.

സിപിഐഎം പുനലൂർ ഏരിയ സെക്രട്ടറി എസ് ബിജുവാണ് ജാഥാ ക്യാപ്റ്റൻ ഏരിയ കമ്മിറ്റി അംഗങ്ങളായ ടി ചന്ദ്രാനന്ദൻ വൈസ് ക്യാപ്റ്റനും എ ആർ മുഹമ്മദ് അജ്മൽ (കുഞ്ഞുമോൻ) മാനേജരുമാണ്.

പുനലൂർ മുനിസിപ്പാലിറ്റി, ആര്യങ്കാവ്, തെന്മല, കരവാളൂർ പഞ്ചായത്തിലെ പ്രദേശങ്ങളിൽ ജാഥ പര്യടനം നടത്തി 28ന് വെഞ്ചേമ്പിൽ സമാപിക്കും.