റിപ്പോര്‍ട്ടര്‍ : സുരാജ് പുനലൂര്‍

പുനലൂർ : എസ് എൻ ട്രസ്റ്റ് റീജിയൻ തെരഞ്ഞെടുപ്പിൽ വെള്ളാപ്പള്ളി നടേശൻ നയിക്കുന്ന പാനിലും ഗോകുലം ഗോപാലൻ നയിക്കുന്ന പാനലും തമ്മിൽ വാശിയേറിയ തെരഞ്ഞെടുപ്പ് ശനിയാഴ്ച നടന്നു. കൊല്ലം, പുനലൂർ എന്നിവിടങ്ങളില്‍ ആണ് പ്രധാനമായി തെരഞ്ഞെടുപ്പ് നടന്നത്.

പുനലൂരിൽ നടന്ന തിരഞ്ഞെടുപ്പിൽ പത്തനംതിട്ട മുതൽ കൊട്ടാരക്കര എഴുകോൺ അഞ്ചൽ പുനലൂർ താലൂക്ക് കമ്മിറ്റികൾ തെരഞ്ഞെടുപ്പിൽ പങ്കെടുത്തു. കോടതി നിർദ്ദേശപ്രകാരം കർശനമായ നിയന്ത്രണങ്ങൾ പാലിച്ചായിരുന്നു തെരഞ്ഞെടുപ്പ് നടത്തിയത്. ഒരു സ്ഥലത്തും ഒരു പ്രകോപനവും ഉണ്ടായതായി റിപ്പോർട്ട് ചെയ്യപ്പെട്ടിട്ടില്ല. പുനലൂരിൽ നടന്ന തെരഞ്ഞെടുപ്പിൽ എസ് എൻ കോളേജ് ആയിരുന്നു വോട്ടെടുപ്പ് കേന്ദ്രം. വിവിധ മേഖലകളിലുള്ള ഉദ്യോഗസ്ഥർ എസ്എൻ കോളേജിലെ അധ്യാപകർ അനധ്യാപകർ എന്നിവരായിരുന്നു തെരഞ്ഞെടുപ്പ് ഉദ്യോഗസ്ഥരായി ഉണ്ടായിരുന്നത്.  മൊത്തം 63 അംഗങ്ങളെയാണ് തിരഞ്ഞെടുക്കേണ്ടത്. പുനലൂർ താലൂക്ക് യൂണിയന്റെ നേതൃത്വത്തില്‍ വളരെ ചിട്ടയായി താലൂക്ക് പ്രസിഡന്റ് ശ്രീ സുന്ദരേശൻ നിര്‍ദ്ദേശത്തോടെ  പ്രധാന പ്രവർത്തകർ എല്ലാം തന്നെ തെരഞ്ഞെടുപ്പ് പ്രവര്‍ത്തങ്ങള്‍ എകൊപ്പിച്ച്ചു. തിരഞ്ഞെടുപ്പ് കാണുന്നതിനായി വോട്ട് ഉള്ളവർക്കൊപ്പം വോട്ട് ഇല്ലാത്തവരായ ആയിരക്കണക്കിന് ആളുകൾ തിങ്ങി നിറഞ്ഞിരുന്നു. പോളിംഗ് സ്റെഷനില്‍ വന്നിരുന്ന മുഴുവൻ ആളുകൾക്കും പുനലൂർ താലൂക്ക് കമ്മിറ്റി സ്വാഗതമേകി.  അവർക്ക് എല്ലാം തന്നെ ആവശ്യമായ വാഹന സൗകര്യം കോളേജിൽ നിന്നും റോഡിൽ എത്തുന്നതിനും കൂടാതെ മുഴുവനാളുകൾക്കും ഉച്ചയ്ക്ക് ഭക്ഷണവും ക്രമീകരിച്ചിരുന്നു. അഞ്ചുമണി വരെയായിരുന്നു വോട്ടിംഗ്.

പ്രശസ്ത ചലച്ചിത്ര നടൻ കുണ്ടറ ജോണി (71) അന്തരിച്ചു. 1979 ൽ പുറത്ത് വന്ന അഗ്നിപർവതം ആണ് ആദ്യ ചിത്രം. 100ൽ അധികം ചിത്രങ്ങളിൽ വേഷമിട്ട ജോണി മലയാളം കൂടാതെ തമിഴ്, തെലുങ്ക്, കന്നഡ ചിത്രങ്ങളിലും വേഷമിട്ടു.. MSc മാത്‍സ് ബിരുദധാരിയായിരുന്ന ജോണി സിനിമയിൽ എത്തുന്നതിന് മുൻപ് പ്രൈവറ്റ് കോളേജിൽ അദ്ധ്യാപകനായും സെയിൽസ് എക്സിക്യൂട്ടീവ് ആയുമെല്ലാം പ്രവർത്തിച്ചിട്ടുണ്ട്. കിരീടം, ഇൻസ്‌പെക്ടർ ബൽറാം, ഒരു വടക്കൻ വീരഗാഥ, സ്ഫടികം, ഗോഡ്ഫാദർ, ചെങ്കോൽ, ഭാർഗവ ചരിതം മൂന്നാം ഖന്ധം, ക്രൈം ഫയൽ, ദി ടൈഗർ, ഒരു സി. ബി. ഐ. ഡയറികുറിപ്പ്, നാടോടിക്കാറ്റ്, പട്ടണപ്രവേശം, ആറാം തമ്പുരാൻ തുടങ്ങിയവ ശ്രദ്ധേയ ചിത്രങ്ങളാണ്‌. വില്ലൻ വേഷങ്ങളിലൂടെ ഏറെ ശ്രദ്ധ നേടിയ ജോണി നിരവധി സ്വഭാവ വേഷങ്ങളും കോമഡി വേഷങ്ങളും ചെയ്തിട്ടുണ്ട്.

മേപ്പടിയാൻ ആണ് അവസാന ചിത്രം.

ജനപ്രിയ നടന് ആദരാഞ്ജലികൾ അർപ്പിക്കുന്നു.. 

മാലിന്യമുക്തത്തില്‍ അഴകോടെ വെട്ടിക്കവല പദ്ധതിയുമായി വെട്ടിക്കവല ഗ്രാമപഞ്ചായത്ത്. മാലിന്യമുക്തം നവകേരളം പദ്ധതിയുടെ ഭാഗമായി വെട്ടിക്കവല ഗ്രാമപഞ്ചായത്തിന്റെ 117 ദിവസം നീണ്ടുനില്‍ക്കുന്ന ശുചീകരണ പ്രവര്‍ത്തനങ്ങളാണ് ലക്ഷ്യം. ജനപങ്കാളിത്തത്തോടെയുള്ള വിവിധ ഘട്ട ശുചീകരണ പ്രവര്‍ത്തനങ്ങളിലൂടെ ജനുവരി 26ന് സമ്പൂര്‍ണ മാലിന്യമുക്ത പഞ്ചായത്തായി പ്രഖ്യാപിക്കുകയാണ് ലക്ഷ്യം.  

നവംബര്‍ ഒന്നിന് ആശുപത്രികള്‍, സ്‌കൂളുകള്‍, സര്‍ക്കാര്‍ സ്ഥാപനങ്ങള്‍ സമ്പൂര്‍ണ മാലിന്യമുക്ത ഓഫീസുകളായി പ്രഖ്യാപിക്കാനുള്ള പ്രവര്‍ത്തനങ്ങള്‍ ആരംഭിച്ചു. വെട്ടിക്കവല സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍ ചേര്‍ന്ന അവലോകനയോഗത്തില്‍ ഗ്രാമപഞ്ചായത്ത് പ്രസിഡന്റ് എം പി സജീവ് ഉദ്ഘാടനം നിര്‍വഹിച്ചു